Агамерзаева Заира, 3 кл. дешархо) target="xml" content="namespace prefix = o ns = \"urn:schemas-microsoft-com:office:office\" /"/>?> Малх.. Стиглахь лепаш дашо малх бу, Сийна-сийна стигал ю. Ас мохь туху, г1ора ма-дду: «Стигал, малх, со ирсе ю! Ирсе ю со ца хазарна, Тахна лелхаш т1еман герз, Вайн наной а ца белхарна, Ца г1иттарна к1уьрца ц1е!» Йовха з1аьнарш лаьтта 1ена, Зезаг г1иттош бацалахь. Кхин ма гойла вайх цхьанна а Т1еман ирча баланаш! * * * Бердк1елара юккъерачу школан дешархо... Мудаева Хадишт Ехийла вайн Нохчийчоь..
Сан Даймохк, хьо хийцабелла - Адамаш г1иллакхе ду. И ирча т1ом д1а баьлла, Нохчийчоь парг1ата ю. Машаран малх серлабаьлла З1аьнаршца вайхьоьстуш бу. Массеран самукъадаьлла - Нохчийчохь парг1ато. Баланаш кхин цкъа ма гойла, Бохамийн дойийла доь. Вайх Дала къинхетам бойла - Ехийла вайн Нохчийчоь! * * * Абдулаев Леча.. Лазийний? Лазийна, хьаха. Къаръеллий? Дера ца елла! Луъураш дуьйцийла наха - Нохчийчоь яла ца елла! Йожийний? Йожийна, хьаха. Г1оттур юй? Ас вала дуьллу-кх: Г1оттур ю г1оттучу малхах, Яха, кхин марг1ал ца туьлуш. Бакъ хиллий? Бакъ хилла, хьаха. Беллачех хьогчу вай дохуш-м... Амма вай кхуьур ду даха, Белларш схьабелира, бохуш! «Стела1ад» № 2, 2008 шо * * * Джамбулатов Рамзан Маржа я1, сан Даймохк! И дог1а дилхича Д1ах1уьтту 1аьмнаш, Сан ши б1аьрг билхича Схьах1уьтту лаьмнаш. Маржа я1, сан Даймохк, Маржа я1, маржа, Ницкъ белар шовданах Хьан арахь варжа! * * * Кибиев Мусбек Даймохк... Хазалла, Даймохк, хьан лаьмнийн Стенах тарйийр ю-те ас? Дешнаш дац хазалла йийца, Кийрара далац сан аз. Кхехкалуш ламанах шовда Бухдуьйлу, лестаеш буц. Кийра мел к1орга со кховдарх, Дийцалац, лаьмнаш, шун куц. Амма сан ойлано, кхерсташ, Б1аьргашца тидамаш бо, - Баьццара холхазаш санна Йолчу цу хьаннашкахь го. Малхаца г1евттина хьалххе Г1овг1ане, оьг1азе хиш, Баца т1ехь эзарнаш маьлхаш Чохь керчо 1уьйренан тхи. Мархаш цкъа чухьолхий буьрса, Ког баккхал латта ца го. Уьш лаьмнийн белша т1е юьйший, К1айн денойх буьйсанаш йо. К1ур баьлла моттуьйтуш, генахь Хьаннашкахь г1аттало дохк. Буц лестош, ног етташ боьрахь, Болало шок етта мох. Хазалла, Даймохк, хьан лаьмнийн Стенах тарйийр ю-те ас? Дешнаш дац хазалла хасто, Карадац ницкъ кхочу аз. Жимчохь со кхиъна сан латта, Со вина хьоме Даймохк, Шо-шаре къонлуш хьо лаьтта, Деладеш кийрара дог... * * *
|