Бералла (Саиев 1умар)
Бералла д1адоьду юха некъ боцуш
Къоналле кховдаеш т1аьхьенан раг1
Дахаро белла и мур ирсах кхолуш,
Сийсазъеш дегнашкахь ямартло, хьаг1 !
Д1адоьду хецна ша маса дин санна
Д1атуьлу геналлехь лар юьтуш ейн.
Ткъа и лар массо а ханна
Чуюьжу дахаран юьхь хуьлий вайн.
Х1аъ, ю и синтеме бераллин зама
Зовкх хьоьгуш д1аихна самукъне хан.
Ков доьллу цо вайна - дахарехь 1ама,
Доьналлин ницкъ кхуллуш вон-дика лан !
|